(ویب ڈیسک) بانی پی ٹی آئی کے آفیشل ایکس ہینڈل سے شیخ مجیب الرحمان کی پروپیگنڈا ویڈیو اپ لوڈ کرنے پر ایف آئی اے سائبر کرائم وِنگ نے انکوائری کا فیصلہ کرلیا۔
ذرائع کے مطابق 26 مئی کو بانی پی ٹی آئی عمران خان کے آفیشل ایکس ہینڈل سے شیخ مجیب الرحمان کے نام پر ایک من گھڑت اور پراپیگنڈا ویڈیو ٹویٹ کی گئی، بانی پی ٹی آئی اس وقت اڈیالہ جیل میں قید ہیں جبکہ ان کا آفیشل ہینڈل پراپیگنڈا ویڈیو اپ لوڈ کیلئے استعمال کیا گیا۔
ذرائع نے بتایا کہ ایف آئی اے سائبر ونگ پی ٹی آئی کے چار لوگوں سے اس معاملے پر بات چیت کرے گا، ایف آئی اے کی ٹیم بانی پی ٹی آئی، بیرسٹر گوہر خان، عمر ایوب اور رؤف حسن سے بات چیت کرے گی، ایف آئی ٹیم اس بات کا تعین کرے گی کہ ویڈیو عمران خان نے خود اپ لوڈ کی یا ان کی اجازت سے ٹویٹ کی گئی۔
ذرائع کے مطابق یہ بھی دیکھا جائے گا کہ پاکستان مخالف پراپیگنڈا کس نے بنایا اور کس نے چلایا، اگر اکاؤنٹ ہولڈر کی طرف سے ایسا کیا گیا تو ان کے خلاف قانونی چارہ جوئی کی جائے گی، اگر ایسا ان کی طرف سے نہیں ہوا تو آفیشل اکاؤنٹ کے غیر قانونی استعمال پر عمران خان کو اپنا ایکس اکاؤنٹ بند کرنے کیلئے تحریری درخواست دینی پڑے گی۔
کوئی تبصرے نہیں:
ایک تبصرہ شائع کریں