.jpg "4 persons including military officer and assistant commissioner were kidnapped")
وزیر اعلی خیبر پختونخوا کے آبائی ضلع ڈیرہ اسماعیل خان میں مسلح افراد نے فوج کے اعلی افسر اور اسسٹنٹ کمشنر سمیت چار افراد کو اغوا کر لیا ہے۔
خیبرپختونخوا کےضلع ڈی آئی خان کے شہر کلاچی میں پاکستانی فوج کے اعلی افسر کے اغوا کا واقعہ پیش آیا ہے۔
پولیس رپورٹ کے مطابق اغوا کا واقعہ 28 اگست کو تھانہ کلاچی کی حدود میں منگل کی شام 6 بجے کے قریب پیش آیا۔
ولیس رپورٹ کے مطابق’آرمی افسر اپنے بھائی اسسٹنٹ کمشنر کنٹونمنٹ بورڈ اور نادرا افسر کے ہمراہ والد کی فاتحہ خوانی کے لیے مسجد میں موجود تھے جب مسلح افراد نے گن پوائنٹ پر آرمی افسر کو دو بھائیوں اور بھانجے سمیت اغوا کر لیا۔‘
پولیس کے مطابق اغواکاروں کی تعداد 15 سے 20 تھی جو موٹرسائیکل پر سوار تھے۔ابھی تک واقعے کی ایف آئی آر درج نہیں ہوئی ہے۔
ڈی آئی خان پولیس کے ایک افسر کے مطابق ابھی تک کوئی معلومات نہیں کہ اغواکار مغویوں کو کہاں لے گئے ہیں۔ ’تاہم اغواکاروں کی تلاش کے لیے پولیس کا سرچ آپریشن جاری ہے۔‘
یاد رہے کہ 2 اگست کو ڈی آئی خان روڈ پر ججز کے قافلے پر دہشت گردوں نے حملہ کیا تھا جس میں دو پولیس اہلکار ہلاک ہوئے تھے۔
دوسری جانب گورنر خیبرپختونخوا فیصل کریم کنڈی نے کہا ہے کہ خیبرپختونخوا کے حالات نازک ہیں۔ ’صوبہ میں دہشت گردی اور انتہا پسندی کا ایک بار پھر آغاز ہو رہا ہے، اس معاملے پر وزیراعظم سے اے پی سی بلانے کی درخواست کروں گا۔‘
جمعرات کے روز ایوانِ اقبال میں اقبال اکادمی پاکستان کے دورہ کے بعد میڈیا سے گفتگو کرتے ہوئے گورنر کے پی کے نے کہا کہ 2013 میں خیبر پختونخوا کو ایک پرامن صوبے کی حیثیت سے پی ٹی آئی کے حوالے کیا گیا تھا، لیکن اب وہاں امن و امان کی صورتحال خراب ہو چکی ہے۔
انہوں نے کہا کہ صوبائی حکومت کو چاہیے کہ وہ وفاقی حکومت سے مدد طلب کرے اور ان کیمرہ سیشن منعقد کرے تاکہ صوبے کی مدد کی جا سکے۔‘
کوئی تبصرے نہیں:
ایک تبصرہ شائع کریں