امریکا کے سابق صدر اور ری پبلکن امیدوار ڈونلڈ ٹرمپ جن پر گزشتہ دنوں قاتلانہ حملہ ہوا کیسے محفوظ رہے انہوں نے انکشاف کر دیا۔
امریکی میڈیا کے مطابق ملواکی میں ری پبلکن کنونشن میں قاتلانہ حملے کے بعد اپنے پہلے خطاب میں انہوں نے جہاں دیگر معاملات پر گفتگو کی وہیں خود پر ہونے والے قاتلانہ حملے کا خصوصی ذکر کیا اور سر کے اتنے قریب سے گولی گزرنے کے باوجود کرشماتی طور پر محفوظ رہنے کی اہم وجہ بتا دی۔
ڈونلڈ ٹرمپ نے کہا کہ جس وقت قاتل کی جانب سے گولی چلائی گئی، اگر اس وقت آخری لمحے میں سر نہ ہلایا ہوتا تو گولی سیدھا نشانے پر (دماغ پر) لگتی۔
سابق صدر نے کہا کہ مجھے جو گولی لگی وہ ایک چوتھائی انچ کے فاصلے سے ہوتی ہوئی گزری۔
ٹرمپ نے شرکا کو مخاطب کرتے ہوئے کہا کہ مجھے آج یہاں نہیں ہونا چاہیے تھا، میں صرف خدا کے فضل سے آپ کے سامنے کھڑا ہوں۔ جب حملہ ہوا تو خون بہہ رہا تھا مگر میں پھر بھی خود کو بہت محفوظ محسوس کر رہا تھا کیونکہ میرے ساتھ خدا تھا۔
واضح رہے کہ ری پبلکن کنونشن میں ڈونلڈ ٹرمپ نے پارٹی کی جانب سے صدارتی الیکشن کے لیے اپنی نامزدگی قبول کرنے کا اعلان کیا اور کہا کہ موجودہ امریکی حکومت میں ہم زوال کا شکار قوم ہیں، اگر میں دوبارہ منتخب ہوا تو بائیڈن انتظامیہ کا پیدا کردہ ہر بحران ختم کر دوں گا۔
کوئی تبصرے نہیں:
ایک تبصرہ شائع کریں