ایڈیشنل ڈسٹرکٹ اینڈ سیشن جج کراچی شرقی کی عدالت نے کالج ٹیچر کے قتل کا جرم ثابت ہونے پر 4 ملزمان کو سزائے موت سنا دی۔
کالج ٹیچر مسعود احمد کے قتل کیس میں ملزمان رفیق احمد، عثمان، شیراز عرف شیری اور ضمیر پٹھان شامل ہیں۔ ملزمان نے 26 نومبر 2021 کو مسعود احمد کو قتل کیا تھا۔
ملزمان کو ایک، ایک لاکھ روپے فی کس ہرجانہ بھی ادا کرنے کا حکم دیا گیا۔
پراسیکیویشن کے مطابق مقتول کی بیوہ فوزیہ مسعود نے ملزمان کو فائرنگ کرتے دیکھا تھا۔ ملزمان کے خلاف ٹھوس ثبوت پیش کیے ہیں۔
پراسیکیویشن نے کہا کہ ملزمان کو کورنگی پولیس نے گرفتار کیا تھا۔ ملزمان فائرنگ کے بعد گاڑی سے مقتول کا والٹ بھی لے گٸے تھے۔
کوئی تبصرے نہیں:
ایک تبصرہ شائع کریں