جنوبی افریقا میں فائرنگ کے واقعے میں 3 بچوں سمیت 7 افراد ہلاک ہوگئے جب کہ حملہ آور کارروائی کے بعد فرار ہوگئے۔
عالمی خبر رساں ادارے کے مطابق یہ واقعہ جنوبی افریقا کے صوبے کوازولو ناتال میں پیش آیا۔ ہلاک ہونے والوں کی عمریں 55 سے 5 سال کے درمیان ہیں۔
پولیس کا کہنا ہے کہ مقتولین کو مکمل منصوبہ بندی کے ساتھ مارا گیا۔ تاحال واقعے کے محرک کا علم نہیں ہوسکا۔
عینی شاہین نے پولیس کو بتایا کہ مسلح افراد نے گھر کا دروازہ کھٹکھٹایا جب اہل خانہ ٹی وی دیکھ رہے تھے۔
دروازہ ایک خاتون نے کھولا جسے موقع پر قتل کردیا اور پھر حملہ آور اندھا دھند فائرنگ کرتے ہوئے گھر میں داخل ہوگئے۔
پولیس کو گھر سے گولیوں کے 25 سے زائد خول ملے ہیں۔ واقعے کی ہیبت دیکھ کر کہا جا سکتا ہے کہ یہ کوئی انتقامی کارروائی کی تھی۔
پولیس تاحال حملہ آوروں کو شناخت کرنے میں ناکام ثابت ہوئی ہے۔
خیال رہے کہ جنوبی افریقا میں صرف اپریل اور جون کے درمیان تقریباً 6 ہزار 200 افراد کا قتل کیا گیا۔
کوئی تبصرے نہیں:
ایک تبصرہ شائع کریں